يا رب ياللى وجعت القلب فى ضلوعنا
انت الرحيم بتجبرك اجبر مدامعنا
و ارأف بقلبنا و بالنا
و اعذرنا مش شايفين
أصبحنا عميان فى بصرنا و مصيرنا
و الأعمى محجوب عن رؤية شمال و يمين
مش فارقة مشى الطريق صالح من الطالح
كلنا هنموت و كلنا إليك راجعين
و دعائنا اللى باسمك و غنائنا بالترانيم
يزيدنا حب و خشوع، تسليم ورا تسليم
يا رب ياللى بمشيئتك رايحين و مش راجعين
خلينا بقدرتك عاجزين عن المجاهيل
و ارمينا فى حطام نفسنا و امسحنا من الموجود
ادفنا جوه الزمن و فى قلبنا المهدوم
و ذنبنا وجودنا و اننا ظالمين
نستغفرك من ذنب خليفتك الموهوم
رابط حياته بقدرتك و علمك المفهوم
نزل الميدان حاربك كما المجنون
جواه كلام انه ملك معصوم
و الفكرة مستاهلة يحارب المشهود
يصرخ فى قلب الميدان و يقول كلام فرعون
إنه إله الكون و إن الحساب هيهون
No comments:
Post a Comment