الدعاء المحجوب

اسكرنى الله وما سقانى سواهُ

اما هناك حقيقةً إلاهو!

يأتى بواقعه و كل الخلق خيالهُ

و خيال عبده ﻻ يرى سواهُ

قل للصحاب ما اراد ارادهُ

قل للدعاة الدعوةُ ﻻ تنفع

إن كان القدير ﻻ يشاء أذاكَ

اثبات حالة

جربت تصبح حى و مريض

و كمان أكيد جربت قسوة الضمير

جربت تنام على ارض بدل سرير؟

طب جربت فى يوم تجوع؟

على شان تجيب ورد بفلوس الغدا

جربت تحب نفسك؟

وﻻ ربنا ابتلى قلبك قلة خشوع

قلة دموع على اللى ماتوا فى العراق

مات زيهم كتير تحت بيتنا

الموت بيطول الجميع

جربت فى يوم تحمى البلاد؟

من الغلابة المظلومين

جربت فى يوم تكون حزين؟

وﻻ الامل لسه معاك؟

حياتك نقطة فى بحر حياة الأمير

حياتك ماتسوى ظفر الغفير

خمس سنين حبس لرغيف

قاضى شامخنا كلنا

مدير و مص دمنا

اب بيحمى بنته انه يرفع سعرها فى سوق البعير

الحمد لله على كل اللى كان

ربنا عارفنا كلنا

و عارف ان عبده بيصطنع طاعة و خلاص

و ان حمده من ضمن عادة القطيع

كانت قصيدة من قصايد مقتولين

و يوم الدفن قالوا هبوط فى دورة شعرنا

و كلام كبير

متضمنه ان انت غلطان ان شعرك اندبح

و ان فكرك اصبح اسير

متضمنه سكوتك ان افكارك تضيع

و يوم فرحهم كان عزاه فى جامع كتابة كتبته

راح عشان بيحبها

يجيب حقها

و عشانه تستنى حتى الممات

يا ذكريات حبة ضمير

تعب عشانها و استلف

مفيش حياء مفيش أسف

راحت للى معاه فلوس

و سابت الحب الفقير

او كسرت بخاطره فى يوم مفترض جميل

كان وقت صيف 

لكن فى قلبه الشتا و الزمهرير

دفى حياته بابتسامته المشرقة

علم على قلبه ساطور كبير

حب الوطن حب السكن

حب الاهل حب الامل

و حبها ضاع و انعدم

شخبط على وعودك كلها

ابنى الحياة من وقتها

يا حلو بين ضحكتك

و اعمل لنفسك مبدأ جديد

دور على صاحبك بجد

العب حديد

هاجر لارض فيها ربك

دور على قشة غريق

Knock Knock

Knock Knock..

I am the end of tomorrow,

The ghost of yesterday,

The moment of regret

The pain of today

I am the beauty the springs borrow

The silver lining in air

The waves that beset

The dream in a nightmare

I am the hand that knocks

And the mind that flies away

I am the devil in Prada

Or so they say

Knock Knock..

At eight O'clock

The flight takes off

Flying to another nest

Another evil act in the way

Men earun nice

Women earun honest 

And promises earun kept

Until I came this day

Knock Knock..

We all act in a play

الزرقاء

جلست الزهرة فى بستانها

ﻻ احد يراها

و الكل يحبها

دنى من يقطف الازهار نحوها

خافت من القادم كما ينبغى لها

اتى حسدهم جمالها

اتى حقدهم فوقها

او هكذا ظنت جميلة بستانها

لكن قاطف الورد اعتنى بها

و لم يقطف الزرقاء من بستانها

ازهرت و ازهرت و زاد بهائها

وقاطف الازهار لم يؤذها

قالت الزرقاء لذاتها

قد قويت على تربة البستان الخاوية

سأرحل إلى ارضٍ ثانية

خلعت الزرقاء جذورها و سقطت مغشية

و اتى من يعتنى بها

فقال بابتسامة حانية

"زهرة حمقاء

حان بيعها"

عيد الاطعمة المنبوذة

- ازاى بيجيلكم قلب تدبحوا الخروف. ده غلبان اوى و شكله كيوت و بعدين اللحمة بتاعته وحشة

- أيوة انا بكره اللحمة الضانى

- انتوا من آكلى لحم الخروف !

- لأ احنا بندبح عجل

- طيب اذا كان كده ماشى .. انا مش بعرف آكل لحمة الخروف و بعدين ده غلبان خالص ليه ندبحه طالما مش هناكل لحمته!

انتوا ناس جميلة عشان مش بتدبحوا خروف

- أنا بقرف جامد مل لحمة بتاعت الخروف بتبقى زفرة و مش حلوة و لحمة العجل احلى و بعدين العجل شرير ندبحه عادى

- بالظبط كده .. ثم ليه فيه عيد للخرفان و مفيش عيد للسمك مثلاً؟

- ايه العبط ده هو السمك بيتدبح !

- آه صح مش بيتدبح . طب ماتيجى نعمل عيد للفراخ؟ الفراخ احلى اساساً و بحبها أكتر

- يللا بينا

- و نعمل عيد للقرنبيط

- أنا مش بحب القرنبيط !

- طب ليه مش بنعمل عيد للخضار؟!

- عشان بناكلها كل يوم

- مش مبرر على فكرة .. احنا لازم نعمل عيد للفراخ و عيد للسمك و عيد للخضار .. بس السمك له عيد شم الفسيخ

- عيد شم الفسيخ للرنجة و الفسيخ بس مش للسمك احنا لازم نعمل عيد لسمك الماكاريل

- بس كفاية قرف سمك ايه و فسيخ ايه

- انا بحب الجبنة الرومى!

- خلاص نعمل عيد للجبنة الرومى ولا أقوللك خليه عيد بيتزا بالجبنة الرومى يبقى أحلى

- و فى الآخر نعمل عيد للاطعمة المنبوذة زى القلقاس

- بس انا بحب القلقاس

- و انا قلقاسة

- يللا نعمل عيد القلقاس

- يللا 

صديقة روحى

انا طبعاً بحبك موت

و لكن برضه ليا شروط

انا عايزك تكونى حرة زى الطير

و صوتك حلو كالعصافير

و عمرك ما تثبتى في عشة

انا عايزك كما انتى

دايماً نعيش على الترحال

و دايماً تحكيلى افراحك و احزانك

خباياكى و آلامك

و الحب لما يجى الباب يخلينا بجد صحاب

يجمع ولا يفرقشى

و نتعلم نعيش أيام من الاحلام

و ننسى نقول حلمنا ده بكام
و أصلا نسينا حلمنا عن ايه

وسؤالك هنحلم ليه ملوش داعى

لأن الحلم زى الشمس في حياتنا

فمش لازم تكون ساطعة ولا لازم تكون غايبة

ولا لازم يكون الحب راحة بال

ولا عيلتين بيتناسبوا

ولا اتنين بيتعازموا

ولا ينفع يكون متعاد و متكرر

بحبك حب غير الغير

فعيشى حلمنا مغامرة

و الحلم ملزم لاى حياة بتتعاش

فياريت سوى نحلم

و لو مفيش أحلام

مفيش أوهام رومانسية

يا ريت ماتبقيش تردى الباب

و خلى الوهم متوارب

ولو فشلنا فى احلامنا

يا ريت ارواحنا تتصاحب

جزيرة الخرفان

جاب الخروف

قال للخروف

امسك مكانى

مسك الخروف

عك الخروف

قال الخروف

فرصة تانى

ساب الخروف

مسك الخروف

قال الخروف

العركة عركتى

أصل الخروف

علشان خروف

ساب المكان

علشان يعارك بهلوان

ساب الخروف

تانى المكان

نجح الخروف

فى الامتحان

صقف خروف

و جاب خروف

و اللعبة معروفة من زمان

نداء عاصى

فلتغمرنى بلذات الحياة اسكر وﻻ ابالى

فما كان السكر لينسينى حالى

انى احبك كما المجنون فى ظلمات نفسه 

انى انا الظلمات و الحقد و الاشعارى 

يا ليت شعرى افهم ما اقوله 

يا ليت نفسى تدرك اقوالى 

فلا الحياة حياة وﻻ الظلمات ظلمة 

وﻻ انت هنا وﻻ الجوار جوارى 

فهل عشقتك و اتخذت قرارى 

أم قامت اللذات بالاجبار

كلمات بروفيشنال ج2

عزيزى القارئ إليك الجزء الثانى من قاموس بروفيشنال-عربى الوسيط لادارة الاعمال البروفيشنال

صباح الخير = السلام عليكم

ازيكم عاملين ايه؟ = أخبار الشغل اللى فى ايدك ايه؟

أنا عارف انك مضغوط و تعبان ربنا معاك = مش معنى انك تعبان انى مش هقف على دماغك.. انجزنى

عملتوا ايه فى الموضوع الفلانى؟ = ده انا هطلع ميتين أهلك انك لسه ماخلصتوش

انا موافق بس هكلم استاذ خليل عشان هو اللى فى ايده الموضوع = استاذ خليل يبقى يلبسها فى مصيلحى بقى

أنا تعبت من كتر الشغل = انا بقالى اسبوع مش بعمل حاجة و بقرأ جرايد

معلش خليك معايا ساعدنى فى الشغل ده = اعمل شغلى عقبال مارتاح انا شوية

ازيك يا جميل عامل ايه؟ = انجز و جر معايا ناعم عشان عايزك فى مصلحة

عينيا الاتنين حاضر = روّح لأمك مش هعمللك حاجة

حاضر هقول لاستاذ خليل = انا وش هنفض لك و اخبط راسك فى الحيط

لو عايز منى حاجة كلمنى = ماتبعتليش ايميل مش هلبس انا دليل انك طلبت حاجة خليها ماشية بالحب

أنا مش فاضى مش هعرف اعمل ده دلوقت خليها بكرة = مش عارف اعدى المرحلة دى فى candy crush

انت طلبت أكل من غيرى يا ندل! = انا أساساً واكل بس داخل فيك شمال عشان مابانش انى بعتك

انا مليش دعوة لو عايز حاجة كلم المدير بتاعى يعملهالك = أنا بيضة شمال و شغلك مش هيمشى

احنا عايزين نتعاون عشان الشغل يطلع كويس = احنا اتزنقنا و لازم نساعد بعض و الا هنلبس جامد

انتهى البث و الاذاعة

طاب يومكم

مصير ريحانى

إنى رأيت اليوم

و لم أرى أبداً

رحيقك العابر

و شعرك الساحر

كلامك المعسول

و جسدك الفارع

إنى رأيت اليوم

أن بُعثِر الاحساس و هدم المفهوم

أن بُعثِر الاحساس و قرر المعلوم

أن إنها ملكة فى قلب كل الناس

و أن أنه شعرى محظوظ بإيمانى

بأن الحياة ستعود لتضيئ أركانى

و لتأتى يا شمسى لتدور أفلاكى

و لينتهى البركان

و لتبدأ الأيام

إنى رأيت اليوم

و لم أرى أبداً

و ليكتب الرحمن

مصير ريحانى

العيد و العيد الآخر

العمر: خمس سنوات

أذهب إلى بيت جدتى فى عابدين، انه بيت العائلة الذى طالما أحببته بما فيه و ما حوله من حدائق و ما أمامه من مظاهر الأبهة التى تطل علينا من قصر عابدين و ما به من بائع الفول الذى طالما أحببته و الجبن الذى لم آكله الا فى هذا البيت.

يأتى العيد و قد نجحت أخيراً فى صيامه كاملاً بعد عناد طويل الامد مع أسرتى. فأنا ما زلت صغيراً و يجب ألا أجهد جسدى الصغير بصيام اليوم كله فى هذا الصيف الحارق.

أفرح بنجاحى و أفرح بعبادتى و أفرح بانتهاء الجزء الشاق منه و أنزل درجات السلم لأبتاع من المحل ذاته ما أحبه من الحلوى و أختار مسدس الخرز لهذا العام فأقيس أرتداده و اتأكد انه سيعيش معى حتى العيد القادم أو فى أحوال أخرى سيظل معى سنوات طوال.

أشترى كثير من الخرز و بعض السيارات اللعبة التى طالما أحببتها و انا صغير. أذهب إلى السطح لأبدأ عملية النيشان و التعود على المسدس الجديد. ثم آكل الحلوى ذاتها فى كل عيد ثم أذهب لأشاهد الرسوم المتحركة.

أعود إلى المنزل بما تبقى من نقود العيدية سعيداً و آكل ما تبقى من حلوى العيد البيتيفور و الغريبة و ما لذ و طاب من البسكوت الذى ساعدت أمى فى اعداده. كم هى حلوة جميلة و هانئة تلك الحياة الصغيرة التى أعيشها! و كم طيبون هانئون الناس الذين أعيش جوارهم.

العمر: خمسة عشر سنة

أذهب إلى الصلاة كما كنت دوماً أفعل هذه المرة مثقل مُتعب متمنياً لنفسى الحلوى التى طالما أشتريتها بالعيدية متجاهلاً عن عمد أو دون عمد الخروج مع أصدقائى فى بداية اليوم لأمارس نفس ذات الطقوس مع اضافة شراء الجرنال لأبى الذى اصبحت ابتاعه منذ بضعه أعوام.

كم مرت من السنوات على؟ كم من الذنوب ارتكتب و كم من الناس آذيت؟ اتجاهل هذه الحقيقة و آكل الحلوى و أنا أشاهد الرسوم المتحركة.

كم هى حلوة هذه الحياة الضيقة الكئيبة التى أعيشها! و كم أردت الهرب منها إلى حياة أفضل! و لكن بالطبع لن اتنازل عن طقوسى فهى أهم من تطلعاتى حالياً. سأذهب مع أصدقائى بعد العصر لنلعب قليلاً و من ثم أعود إلى المنزل لكى أجهز لمقابلة أفراد العائلة فى بيت العائلة القديم الضيق البعيد.

العمر: عشرون سنة

أذهب إلى الصلاة كما كنت دوماً أفعل و لكن هذه المرة بعيداً عن الحياة التى اعتدتها فى مدينة جديدة و وجوه جديدة هارباً أنا و عائلتى من ذكرى وفاة أخى. أين العيد؟ أين الفرحة؟ بل أين رمضان؟

لم أعد أشعر به فكل ما هناك لى هو الألم. اتساءل فى صلاتى هل سيأتى اليوم الذى سأكون معها فى العيد؟

لماذا هى بعيدة قصية باردة و قاسية هكذا؟ و لماذا أصبحت الحياة سواء فى رمضان أو العيد أو غيرهما بهذه القسوة.

و لماذا أصبح الناس متكبرون عدائيون أشرار هكذا؟ هل لأننى لم آكل الحلوى هذه السنة؟

تنتهى صلاة العيد فأسلم غير مكترث و أذهب إلى منزل خالى لأشاهد الرسوم المتحركة صامتاً غير عابئ بالفرحة ولا الاحتفال.

العمر: ثلاث و عشرون سنة

لقد وقع الاخوان فى شر أعمالهم و وقعنا معهم. إن المعارضين للانقلاب هم مزيج من الأغبياء و من باعونا و لكن الجزء الاكبر منهم هم ناس صادقة وفية واعية لما يحدث و إن لمذبحة قريبة ستحدث أو سقوط كبير للانقلاب و أتمنى أن تحدث الثانية قبل الاولى.

أنزل من منزلى مسرعاً يقابلنى أذان الفجر من الجامع الذى أمام منزلى الذى طالما صليت فيه العيد فى طفولتى. أتجاهله لأذهب حيثما هدفى. يقابلنى ثلاثة شباب مسرعين فى لف ما معهم من حشيش ليشربوه فهم "متأخرون" عن موعد اللف السنوى أدعو لهم بصالح الحال و أذهب إلى سبيلى.

اتساءل ماذا حدث و ما الذى جعل الحياة بهذه الظلمة. هل لأن أبى كبر و أصبح لا يزين لنا الشقة بالبلالين كما كان يفعل معنا لنفاجئ أمى قبل أن تستيقظ؟ هل الناس كانت بهذا السوء منذ البداية و أنا لم أكن أعى هذا؟

لا يهم فاليوم ستفرح فرحة العيد التى طالما رغبت بها منذ صغرك أن تعود. أذهب حذراً لأركب مواصلة فلا أجد سوى ميكروباص فاتمنى لنفسى السلامة و اتأكد ان لا خطر من الركوب ثم أتوكل على الله و أركب. يُنزلنى السائق قبلها بمسافة لأنه لا يوجد مكان للاقتراب أكثر. لم أشعر انى بهذا القرب من الله منذ زمن بعيد. يا الله ما هذا المكان.

أذهب لأجد بصعوبة بالغة مكان أصلى فيه الفجر. ثم أجلس منتظراً التكبير و التسبيح و من بعدها صلاة العيد. أقابل أصدقائى و أنسى الحلوى و أنسى مشاهدة الرسوم المتحركة و أنسى الفتاة التى أحب و أنسى عائلتى برمتها و أستمتع بالعيد كما ينبغى.

العمر: أربع و عشرون سنة

أجلس وحيداً ناظراً للجامع الذى أمام المنزل. لا زلت أتذكر اغلاقه يوم الفض. لا زلت أذكر من كان يشرب الحشيش ثم يهب مدافعاً عن الدين بترويع المسلمين يوم الفض. لا يزال احتقارى لهم و للمصلين فى هذا الجامع يزيد.

أحاول أن أبقى فى المنزل ولا أذهب إلى أى مكان. و أى مكان أذهب إليه؟! لقد تركت حلواى و خسرت الجميع بين قتيل و جريح و خائن و مجند عبد للجيش و أشقاء لن أرى ابتسامتهم مرة أخرى من هول ما رأوا.

لقد بدأت أفهم لماذا يُصر الكبار على شراء الكحك و البسكوت و البتيفور و الغريبة فى هذا العيد. لأن ببساطة لا يوجد شيئ آخر مفرح فى هذا العيد. لا توجد صلاة مباركة فى هذا العيد. لا توجد أعمال لوجه الله فى هذا العيد. و الفرحة الوحيدة هى فرحة المدخن بأنه سيعاود شرب السجائر نهاراً جهاراً كما كان يفعل فرح بالعودة للشهوات لا أكثر ولا أقل.

أفتش فى وجوه الناس العابسة فما أرى سوى ساذج أو عابث أو أحمق أو شيطان يتظاهر بالبراءة. أفتش فى هاتفى عن الارقام التى أتصل بها لأهنئها بالعيد هذا العام فلا أجد ما أكتبه لهم. فلا يوجد عيد اليوم.

لقد مات العيد منذ سنين بعيدة و ظل أثره فقط فى قلوب الاطفال البريئة فاذا أردت البحث عنه ففتش فى قلب ذات الخمسة.

إذاً فلنحتفل اليوم و كل يوم بالعيد فالعيد أصبح احتفال.

أذهب إلى أقرب محل و أبتاع حلواى التى كدت أنساها ثم أعاود المنزل لأشاهد الرسوم المتحركة منعزلاً عن العالم و عن الواقع و عن العيد.

كلمات بروفيشنال ج1

عزيزى القارئ إليك بعض المصطلحات التى تُذكر فى كتابة البريد الالكترونى فى العمل و معناها الصحيح فى اللغة العربية

Dear sir, Good Morning = "حبيب قلبى عايزك فى مصلحة يا كبير"

FYI (For Your Information) = "الخازوق ده مش ليك بس لازم تتفرج عليه"

Best Regards, = "بالشفا يا كبير البس"

Concerning your request = "حضرتك الطلب بتاعك ده تلفه و تحطه فى درجك"

As per our discussion = "مش هلبس فى القرار ده لوحدى"

I will consider your request = "هفكر فى الموضوع ده و معنى انى هفكر انى هفكس لك تماماً"

For your kind review and feedback = "لو ماردتش على الايميل يبقى انت اللى لبست المسئولية لوحدك"

Please, advise = "انا مش هاخد قرار و البس يا عم اعملها لوحدك"

For your esteemed company = "انجزوا بقى يا شركة معفنة"

Kind reminder = "انجز يا روح أمك"

Thank you / I appreciate your efforts = "ده انت طلعت عين أهلى"

Kindly find the attached file = "الملف اللى انت قارف اهلى بيه اهو فى الايميل"

Unfortunately = "فكك منى انا مش فايق للهرى ده"

Best of luck = "اذهب الى الجحيم .. تباً لك"


انتهى البث و الاذاعة

طاب يومكم

الوداع

إن كان الفصال فى الحب موتكى

فلانتظر فى الحياة التالية

و لكن موتك كان فى حياتكى

سُحقاً لكل امرأةٍ داهية

غير مفهمومة

انقلبت وجوه بدل وجوه

و صار وجود عقولنا ترف

و ثبات شخصياتنا محال

و صار الموت ليس له مجال

و الحياة احنمال و صار شعورنا هزل

عندما تنقلب الصور

تلك التى رسمناها من عقولنا

عندها تعلم

ان ما رأيناه من قبل

تبخر

و ان حقيقة اخرى قد تتحرر

و ان ما توقعته

لن يكون قط

و من المحال تغيير ما كتب

و جف حبره فى الكتب

كانت صورة فقلبت على غير صورتها

و تغيرت طبيعتها

و من ظن انه فهم 

فقد وهم

1 مارس 2010

مصرع لحظة

لقد وصلها خبر من قلبها

 هناك خطب فى أحبابها

و فى كل الدنيا حولها

ها هى تسير

متسائلة فى نفسها و طرقات عقلها

هل العيب منها ؟

و تظل تحاور نفسها

و تسأل مَن هُم حياتها

و لكن لا جواب منهم ولا من إحساسها

هى لا تعلم ما خطبهم

لاتشعر بهم جوارها

أهناك علة فى حدسها؟

أم حقا ضاع حبها؟

لقد خفت نور حياتها

تلك بسمة لن تطأ ثغرها

لشعورها بخسارة ما عندها

والذنب يؤلم جوارحها

و يطل فى أعماقها

و عبرة تترد فى ذهنها

هل ذاك ذنبها ؟

وتتساقط عبرات من قلبها

ماذا حل بكم ؟

لا أحد يجيبها

و عم الصمت اركان حياتها

6 مايو 2010

قصة حياة

الانفجار الاعظم و مولد المجرات و معها مولد شمسنا و الكواكب

يأتى كوكب متوسط الحجم يُسمى نفسه الارض و يوعد كويكب صغير بالحب و الاندماج الابدى

كان الارض دوماً يقول لهذا الكويكب المشتعل بالمشاعر و الحمم البركانية "انتى زى القمر"

يخجل القمر و يدور محاولاً الافلات من حبه العنيف للارض لحيائه و رقته و خوفه من المستقبل المجهول

تمر السنين بل آلاف السنين بل ملايين السنين و تبدأ الارض و القمر فى الهدوء النسبى

القمر أصبح مضيئاً يسر الناظرين بينما فتح الله على الارض بغلاف جوى و كائنات حية و مية و جبال و حركات

يطلب الارض من القمر بعد ان هدأ حبهما و أصبح مائلاً للتعقل منه للجنون و الاشتعال أن يندمجا معاً

تنظر القمر الى الارض ذلك الكوكب الشاغر بالحياة ثم تنظر الى نفسها و قد مُلأت حفرات و بثور جعلتها تبدو كامرأة كهلة بينما يضج بالأرض عنفوان الحياة و خيرها و يغلفها طبقات من الغازات تمنع عنها أذى الشُهب و النيازك

يوشك القمر على الانكسار و الحسرة و الندم انه لم يندمج مع شريك حياته طوال هذه الفترة و ظل وحده و تساءل ماذا يحدث لو كانا اندمجا فى كوكب واحد فى بداية خلقهم عوضاً عن الفرار منه و مجاراة خوفها من جاذبيته و حبه

و ترفض القمر عرض الارض له بحجة انها ستدمر الحياة على وجهه لو نزلت إليه

يحزن الارض كثيراً و يغار مما فوقه من حياة التى منعته عن حبه الازلى

ينفجر و يبعثر الغازات السامة و الموت فى كل مكان و يقتل جميع من على الارض عصراً بعد عصر أملاً فى قبول القمر عرضه بعد غياب الحجة

تقف القمر مدهوشة مصدومة باكية وحدها من الارض و فعلته بالحياة و تصر أن يهدأ تُصر أن يُكمل حياته و أن يحافظ عليها و إلا لن تنزل أبداً و تعده أنها ستأتى إليه بعد أن يُصلح ما اقترفته نفسه من فساد

و الآن أوفى الارض بوعده و أصبح الكوكب أجمعه يعج بالحياة

و تقف القمر مترددة مرةً أخرى

تُرى هل تقع فى حب الارض مرةً أخيرة؟

تُرى كم روح ستُحطم عند سقوط القمر؟

كم من الكوارث ستحدث؟

هذا لا يهم فالارض لا يعنيه أى شيئ سوى قمره

هكذا تقدم الى الشمس أن تسمح لهما بالاندماج

تعترض الشمس و تسحب القمر من نطاق الارض شبراً فشبراً و تنهار الارض

لم تعد تقدر على التحمل فتسمح بالتلوث و الفساد بدخولها و تترك البشرية لفنائها بينما الشمس تسحب القمر ناحيتها فينقسم القمر و ينكسر قلب الارض للمرة الاخيرة قبل أن تتناثر أشلاء الحبيبان فى الفضاء حيث لا اجتماع ولا حياة ولا حب مشتعل

النهاية

أحبك أحبك

أحبك عدد لحظات السكون

و عدد كل ما كان و سيكون

أحبك قدر الكون

و قدر الابد و قدر الشجون

أحبك قدر ما فى الدنيا من حسن الكلام

و فوق العشق و فوق الغرام

أحبك عبادة لرب الأنام

و حبى من السنة إن تسمحى

و آهٍ لو تدرى فعل الليالى

و فكرى و عقلى و بانشغالى

ولو تعلمى كرب حالى

بدون العيون و هذى الرموش

أحبك كحلوى لطفلٍ فقير

أحبك و حبى هو كل حالى

و سكنى و بيتى و عزى و مالى

فهل تقبلى بعشقٍ قليل

و هل تقبلى بمسكنى

أحبك عدد لحظات السكون

فأنا يا حبيبتى مجنون مجنون