أنا الأمل فى عيون ملايين
و الأهل تخاف عليا مل عالمين
و الضلمة اذا دخلت بيوت الكون
نورى بيوئدها
و بسمتى تحرق عيون الليل
بفجر الليل
أمل تانى و تالت لحد ما الفؤاد يفتح
لحد ما بذرتى تطرح
و الأرض تنضف من كل أنجاسها
و ناسها تغير كل ما عابها
أنا الأمل فى الأمل
خيال الحالمين بالأرض و تغيير تضاريسها
نرسم بدل الجمود و الجحود بسمة
نشرخ بحور الخوف بعصاية الحرمان
حتى تكون البسمة جوة القلوب
و انا وحدى فى انتظار يومى الجاى
و اعد نفسى و اعافر فى أحلامى
و احفظ لسانى من عيبة السكان
و أتأدب و ماشتمشى فى الفاجر اللعّان
و أغض البصر فى كل حارة و دار
و أغلط و أحيد و أرجع
أنا الأمل و الأمل مصيره فى يوم
يرجع
و الخوف عليه جايز
لكن أخاف من ايه و انا موعود
و الأمل ان مات يطرح بداله آمال
ده اليوم ده ان كان سنين برضه الأمل موجود
برضه انا الكسبان
.jpg)
