أمانة عليك يا ليل قصر
وﻻ تطول وﻻ تكسر
شوية فرح فى قلبى
و حيطتى المايلة تعدلها
وﻻ حب فيّا تستخصر
و تيجى الشمس و ييجى نهار
يدفينى بأحضانه
و لسعة حب عل بردان
يدفى القلب و يقيده
يعيش القلب بالاشواق
يعيش الورد و نجيله
و يلسعنى دفى قلبى
و أقول له السعنى كمان أكتر
ده يوم حب هنا فى النور
يخلى الحب بيطول
و يخلى ليلتى تطول و تطول
عشان مستنى دفئ النور
و دمى يجرى فى عروقى من الفرحة
و جسمى يصحى وﻻ ينامشى
ينام ازاى و روحه معاك
تعالى وﻻ أنت مستكبر؟
و ييجى الليل و بعده ليالى كتير
و يتشقق من المواويل
و يمشى الدم فى عروقى متضايق
و يمشى و هو متأثر
و يتكسر قلبى معاك
و نفضل فاكرين المواعيد
و لقيانا فى نور الرب كما العناقيد
كلقيا شعاع النور مع الشبابيك
و تيجى رياح الليل و تكسرنا
و ندور على المكسور يعورنا
و نداوى جروح بجروح
و ليلنا طويل من التعذيب
و يعمل نفسه بيداوى و يسألنا
ليه هو طويل و ليه بيكسر العناقيد؟
كفاية يا ريت يا ليل تمثيل
بلاش تسأل و تستفسر
أمانة عليك يا لــــــيل قصـــر
