أقول ماستاهلهاشى
حبيبك لازم يكون صالح
واحد جميل جوه و جميل بره
سليم القلب و العقل
و لازم يقول معلش فى كل مرة تكشرى الوش
و يعرف ازاى يداويكى لو القلب انجرح مرة
و يتعب و يبذل مجهود عشان بس يراضيكى
و يلف فى بلاد الكون عشان يعرف أراضيكى
يكون شاريكى
و يكون معاه تمن مأذون
و لو راح و جابه فى يوم
أبوكى يوافق ولا يفكرش
عريس لقطة مؤدى افرض
ولا يقفل فى وشك باب نجاح ليكى
يكون عارفك يكون حافظك
يكون فاهم حياتك صح
تكونى له حبيبة قلب
لو كل يوم دخل عليكى بورد
و فرحة مل قلب
لما تزعلى يقول معلش
و يرغى و يسمعك ضحك و بكى
يمكن يخفف عنك وجع الحياة ديا
و يحميكى فى كل حارة و كل أرض
و يوعدك فيوفى الوعد
حبيبك صحيح بيحب
لكنه فى الحياة عيل
و لسه بياخد المصروف
و لسه ضعيف يتعب و مايقومشى
و مش عايز يقوم يلعب
لكن عايز يقوم ليكى
يروح بخياله شمال و يمين
و يقدم فى كل معبد القرابين
ولا ينفعه عمل عمله
ولا يقدر بدعاه يبدل مصير قدره
و كله شايله لينا الله
يا بخت من قال آمنا بيه
يا رب قرب المسافات
و يا بخت من دعا و من بعد دعاه أمّنتوا عليه
